Devi
Tum pujaniya ho,
Tum durga ho,
Tum kali, laxmi, saraswati ho
Isliye jo hota hai use chupchap dekho, saho lekin
Koi sawal mat karo, koi shikayat mat karo kyonki
Tum Devi ho
Insaan nahi ho.
Tum kaam karna chahti ho karo
Aage badhna chahti ho badho,
Lekin bacchon ko palna bhi tumhari zimmedari hai
Ghar sambhalna bhi tumhari zimmedari hai,
Hum purush hain thak jaate hain, tumhein thakne ka koi adhikaar nahi kyonki
Tum Devi ho
Insaan nahi ho
No comments:
Post a Comment